Unglingurinn þinn þarf á þér að halda

Eftir því sem barnið þitt eldist vex álag og áreiti bæði innan og utan skólans. Námskröfurnar aukast í efstu bekkjum grunnskólans, félagslífið í skólanum eflist og eins samvera nemenda utan skólans. Íþróttir og áhugamál geta líka verið krefjandi á bæði tíma og álag. Foreldri, sem fylgist vel með í því sem er að gerast í lífi unglingsins, getur oft á tíðum haft afgerandi áhrif á vellíðan unglingsins og gleði.

Því miður vantar stundum á æskilegan stuðning við námið í skólanum og eins getur verið um að ræða ýmsan vanda, sem skólinn er ekki fær um að ráða bót á.

Kvíði er einnig sívaxandi vandamál hjá mörgum unglingum og getur haft ýmsa erfiðleika í för með sér. Það getur komið sér vel fyrir foreldra að hafa innsýn í virkar einfaldar aðferðir, sem geta hjálpað unglingnum til að draga úr áhrifum kvíðans.