PHOTOREADING
PhotoReading / „Myndlestur“ er öflug lestrar- og námstækni
PhotoReading er ekki aðeins lestrartækni heldur og jafnframt frábær námstækni vegna þess að með þessari aðferð liggur áherslan á því að ná út úr textanum því sem á þarf að halda hverju sinni, t.d. við að læra til prófs, undirbúa sig fyrir umræður, gerð ritgerðar eða skýrslu o.s.frv. á grunni mis-mikils lesefnis eftir atvikum. Í slíkum raunhæfum tilvikum snýst málið um að tileinka sér efnið nægilega vel á þeim takmarkaða tíma sem til ráðstöfunar er hverju sinni. Oft er ekki tími til að lesa hvert einasta orð textans meðvitað með gömlu aðferðinni og þá er vandamálið hvaða hluta efnisins á að lesa ef fyrirsjáanlegt er að ekki vinnist tími til að lesa allt fyrirliggjandi efni.
Þarna hefur PhotoReading yfirburði vegna þess að með þeirri námstækni er allt fyrirliggjandi efni „myndlesið“ og lesandinn fær tilfinningu fyrir því hvaða hluti lesefnisins skiptir mestu máli fyrir fyrirliggjandi verkefni. Lesandinn er þá ekki að eyða dýrmætum tíma í aukaatriði við hefðbundinn lestur á lesefni sem virðist síður skipta máli.
Líka venjulegur lestur
Hitt er annað, að oftast eru einhver atriði í textanum sem læra þarf bókstaflega utan að, svo sem upptalningar og skilgreiningar, en þá eru meðal annars aðferðir hefðbundins (hrað)lesturs notaðar við það. Þá er gott að þjálfa sig í viðeigandi minnistækni til festa þekkinguna sem best í minni.
Til að ná færni í PhotoReading lestrartækninni þarf að gefa sér góðan tíma í upphafi til að setja sig vel inn í ferlið og æfa það vel.
Námstækni ehf. hefur í gegnum árin boðið upp á námskeið í að þjálfa PhotoReading tæknina, einkum fyrir nemendur í háskólanámi.
Til að ná færni í þessari mögnuðu tækni er þátttakendum ráðlagt að æfa sig í ca 40 mín. daglega á meðan að á námskeiðinu stendur (og einnig í nokkrar vikur að námskeiðinu loknu) og vinna þá með námsefnið úr náminu sem þeir eru í.
PhotoReading / Myndlestur samanborið við venjulegar hraðlestraraðferðir
Styrkur PhotoReading, myndlesturs, felst fyrst og fremst í því að ná að gera lesandanum kleift að fara yfir umfangsmikið lesefni á mjög stuttum tíma til að átta sig á aðalatriðum efnisins. Hvað er það sem skiptir mestu máli varðandi tilgang lestursins hverju sinni? Skilningur á efninu á ekki aðeins að fara í skammtímaminnið eftir lesturinn, heldur þarf það einnig að komast í langtímaminni og undirmeðvitund lesandans.
Það er mikilvægt að fólk átti sig á því að ólíku er saman að jafna þegar verið er að bera PhotoReading saman við hefðbundnar hraðlestraraðferðir, þar sem PhotoReading inniheldur mun meira heldur en lestrartækni eins og að ofan greinir.
Þegar verið er til samanburðar við PhotoReading að taka dæmi um lestrarhraða með hefðbundnum hraðlestraraðferðum þarf einnig að átta sig á því að í dæmigerðum hraðlestrarprófum hefðbundins hraðlesturs er verið að prófa hvað fólk notar mikinn tíma til að lesa meðvitað ákveðinn texta af tiltekinni lengd og hvað það svarar mörgum beinum krossaspurningum rétt úr því efni strax á eftir. Á þeim grunni er reiknað út hvað lesin voru mörg orð á mínútu og hve hátt hlutfall réttra svara reyndist vera. Þannig er í reynd verið að prófa hversu vel hinn tiltölulega stutti lesni texti situr enn meðvitað í skammtímaminni lesandans. Með PhotoReading-tækni er lesandinn jafnframt og ekki síður að undirbúa sig til að gera grein fyrir efninu sjálfstætt og þannig að það sé ekki endilega bundið við hina 20 mínútna vörsluhæfni skammtímaminnisins.
Lestrarhraðinn
Loks má benda á að sjálfur lestrarhraðinn með PhotoReading, hjá þeim sem hafa náð mjög góðum tökum á tækninni, er um 25.000 orð á mínútu, sem svarar til að notaðar séu um 2 sekúndur fyrir hverja bókaropnu. Þar að auki er reyndar ákveðinn tími í undirbúning fyrir sjálfan myndlesturinn og úrvinnslu eftirá með sérstökum aðferðum PhotoReading-tækninnar. Þess utan er ferlið endurtekið, að hluta til eða allt, eftir því sem lesandinn finnur sig knúinn til og/eða tími vinnst til. Þetta segir þó ekki alla söguna því að það er sjálfur árangurinn þegar upp er staðið sem skiptir máli af tileinkun efnisins á hinum takmarkaða tíma sem til ráðstöfunar er í hverju tilviki.
PhotoReading er fyrir alla
Yngsti nemandinn sem hefur lært PhotoReading hjá Námstækni ehf. var 8 ára – sá elsti um áttrætt!
Reynslan hefur sýnt að börn geta líka tileinkað sér grunnþætti PhotoReading tækninnar með góðum árangri.
Hvers vegna PhotoReading?
Þó svo þú náir ekki fullri færni í PhotoReading þá getur aðferðin gagnast þér mjög vel til að ná góðri yfirsýn yfir helstu atriði texta. Stundum er það svo (óháð alldursstigi nemenda) að kennari velur aðra röðun á yfirferð lestexta en höfundurinn gerði ráð fyrir. Þá eru nemendum að lesa samhengislausa texta.
Nemendur sem nýta sér PhotoReading leggja alla bókina undir og myndlesa ekki bara einstaka kafla heldur heilu hluta bókarinnar í heild – og jafnvel alla bókina. Þannig ná þeir yfirsýn yfir alla helstu hluta bókarinnar og þannig verða meiri líkur en annars á því að textaspurningar og verkefni kennarans tengist því sem lesandinn náði að festa í minni með PhotoReading aðferðinni.
„Ef þú getur náð aðalatriðunum úr heillri bók með PhotoReading aðferðinni á um það bil sama tíma og það tæki að lesa hálfan fyrsta kaflann með hefbundnu lestraraðferðinni. – væri þá ekki algjör snilld að kynna sér og þjálfa PhotoReading aðferðina.“
PhotoReading er ótrúlega öflug aðferð sem er frábært að nýta sér.
Næsta námskeið í PhotoReading verður í janúar 2027.
No products were found for this query.
Viltu vita meira?
Sendu okkur fyrirspurn á jona@namstaekni.is