Námstækni og markþjálfun

NÁMSAÐSTOÐ

Námsaðstoð eflir sjálfstraustið og tendrar námsgleði

Nemendur þurfa að læra að læra

Margir unglingar eiga erfitt með að fylgja kennslunni eftir í kennslustundum.

Það þarf ekki að vera vegna þess að þeir séu latir eða hirði ekki um að reyna að standa sig vel. Nei – svo þarf alls ekki að vera og sorglegt þegar slíkt er tekið sem fyrsta skýring á lélegri frammistöðu í námi.

  • Sumir eiga erfitt með að fylgja kennslunni eftir vegna t.d. athyglisbrests, lesblindu, sjón- eða heyrnarskerðingar.
  • Aðrir hafa etv. þróað með sér náms- eða prófkvíða.
  • Enn aðrir telja sér trú um að þeir geti ekki náð tökum á námsgrein sem hefur áður valdið þeim erfiðleikum.


Það þarf að kenna unglingum að vinna með námsefnið, þannig að góður grunnur sé lagður að áhrifaríkara og auðveldara námi. Nemandi sem finnur að hann hefur góð tök á náminu er líklegri en annars, til að finna fyrir góðu sjálfstrausti og andlegri vellíðan. 

Vel skipulagt heimanám getur lagt grunn að farsælum námsárangri og vellíðan unglingsins

Oft er neikvætt viðhorf gagnvart heimanámi unglinga. Þessu þarf að breyta. Heimanám þarf ekki að taka langan tíma til að geta haft mikil jákvæð áhrif á marga þætti varðandi nám, góðan námsárangur og aukið sjálfstraust unglinganna. 

  • Margir eiga erfitt með að skipuleggja heimanámið sitt,
  • aðrir eru svo uppteknir að loknum skóladeginum að þeir hafa enga orku til að sinna heimalærdómi eða upprifjun. 
  • Unglingur sem byrjar að missa úr og nær ekki að fylgja kennslunni eftir, verður fljótlega eftir á í náminu.  

Það þarf að kenna unglingum auðlærðar, einfaldar og áhrifaríkar aðferðir í námstækni og fá þá til að þjálfa sig í notkun þeirra.


Nemendur sem ná ekki utan um nám sitt í efstu bekkjum grunnskólans geta átt afar erfitt með að ná fótfestu í framhaldsskólanámi. 

Námstækni ehf. bauð um langt árabil upp á 5 vikna einkanámsskeið fyrir unglinga í efstu bekkjum grunnskólans og einnig fyrir nemendur í framhaldsskóla og á háskólastigi.  (namstaekni@namstaekni.is varðandi frekari upplýsingar sé þess þörf.)

Árið 2024 gaf Námstækni ehf. út bókina „Að læra að læra – með sjálfseflingu“ bók sem Jóna Björg Sætran samdi byggða á reynslu sinni sem kennara sem og á grunni lestrar- og námstækni sem og aðferðafræði markþjálfunar og einnig á aðferðafræði hugrænnar atferlismeðferðar.

Bókin er einkum ætlum nemendum í 6. – 10. bekk grunnskólans og hentar þar vel til vinnu með nemendum í t.d. lífsleiknitímum yfir eina önn. Bókinni skiptist í þrjá hluta; Námstækni – Markmiðasetningu – Sjálfseflingu. 

Bókin hentar einnig vel til sjálfsnáms heima fyrir – og þá er æskilegt að foreldri kynni sér efni bókarinnar. 

Bókin er til sölu og dreifingar hjá Námstækni ehf. 

Á vefslóðinni https://namsadstod.namstaekni.is er sérstakur kynningarvefur um bókina. 

 

Markþjálfun er mögnuð aðferð til að efla sjálfstraust nemenda

Markþjálfun getur oft haft mögnuð jákvæð áhrif á viðhorf unglinga til eigin getu og ágætis. Þegar sjálfstraustið hefur beðið hnekki, af hvaða ástæðu sem það er, er mikilvægt að hjálpa unglingnum til að hafa trú á sjálfum sér. 
Þetta á líka við ef námsárangur hefur ekki verið nægilega góður. Unglingurinn þarfnast þá þess að gera sér grein fyrir hvað veldur og hvers virði það er honum fyrir nútíð og framtíð að koma námsmálunum í betra horf.

Hver veit nema nokkrir markþjálfunartímar gætu hjálpað unglingnum þínum til að komast yfir erfiðleika í námi.

Veldu næsta skref fyrir þig:

Viltu vita meira?
Sendu okkur fyrirspurn á jona@namstaekni.is

Here's What Jona's Clients Have To Say ...

testimonial1
testimonial2
testimonial3
testimonial4