HUGRÆN ATFERLISMEÐFERÐ (HAM)

Hugræn atferlismeðferð byggir á þeirri grundvallarhugmynd að allt það sem við trúum um okkur sjálf sé lært og byggt á reynslu okkar. 

Hugmyndir þínar um þitt eigið ágæti séu ályktanir sem þú hefur dregið af því sem þú hefur upplifað (Fennel, 2009). Þar af leiðir að hægt er að læra nýja hegðun út frá nýjum skilningi og reynslu, hegðun sem nýtist þér betur.

Það sem gerist í lífinu okkar, það sem við „verðum fyrir“, „lendum í“, allt það þarf ekki að hafa til lengdar afgerandi áhrif á líðan okkar og lífshamingju, það sem öllu máli skiptir er hvernig við vinnum úr lífsreynslunni.

Hugræn atferlismeðferð hjálpar okkur til að greiða úr erfiðum hugsanaflækjum og getur m.a. auðveldað okkur að skilja betur hvað kemur af stað miklum áhyggjum og kvíða og þá getum við breytt því hvernig við hugsum um okkar eigið ágæti, við getum lært að efla okkur og styrkja og getum byggt upp jákvæða sjálfsímynd.

Jóna Björg Sætran PCC markþjálfi er með traustan grunn í Hugrænni atferlismeðferð eftir 30 ECTS eininga, öflugt þverfaglegt 1 árs nám í Hugrænni atferlismeðferð í Endurmenntun Háskóla Íslands, nám sem var kennt í samstarfi við kennara og prófessora við Oxford Háskóla.

Jóna Björg Sætran hefur einnig lokið öllu tilskyldu námi og staðist lokamat á sviðið MCC markþjálfunar (MCC =  Master Certified Coach).

Þetta tvennt, (HAM og færnikröfur MCC) eflir næmi Jónu Bjargar Sætran til muna á öllu markþjálfunarferlinu, eykur dýpt samtala og gerir hana að einstökum markþjálfa með mikla reynslu og góða innsýn í ýmis mikilvæg atriði.

Sérstök innsýn Jónu Bjargar í hvernig áhyggjur og stress leiða til ruglingslegra hugsanatengsla sem geta svo leitt af sér meira stress og kvíða auka líka verulega á færni Jónu Bjargar til að veita djúpa og markvissa nærveru og nánd í gegnum virka hlustun, ferli sem getur lagt einstakan grunn að árangursríkri markþjálfun.