Blómstraðu kennari!

Það er óhætt að fullyrða að starf kennara getur verið ótrúlega flókið og kennari mætir hugsanlega mörgum óvæntum áskorunum dag hvern. Þannig hefur það alltaf verið, en eftir því sem verkefni tengd nemendum, kennsluundirbúningi, námsmati, samskiptum við foreldrasamfélagið svo og við samkennara og stjórnendur verða umfangsmeiri og flóknari, getur orðið erfitt að ná að sinna öllum verkefnum eins vel og skyldi og andlegt álag eykst hjá kennaranum. Þá skiptir öllu máli, að ná að staldra við, ná yfirsýn og skoða hvernig hægt er að ná betur utan um starfið og njóta sín betur.

Þegar þér líður vel í starfi þá verður allt svo miklu auðveldara, þér tekst betur en annars að gefa vel af þér í samstarfi og þú nærð betur til nemenda þinna. Vellíðan í starfi hefur eflandi og jákvæð áhrif á daglegt líf þitt.

Markmið námskeiðsins; að aðstoð þig við að efla þig og styrkja í starfi – og samhliða því eflir þú sjálfstraustið og eldmóðinn, þú finnur hvaða markmiðum þú vilt vinna að og gerir þér framkvæmdaáætlun.

Markþjálfun, markmiðasetning, hvatning til framkvæmda og eftirfylgni.

Við byrjum á að kortleggja saman hver staðan er í dag.

• Hvaða atriði eru það í kennarastarfinu sem þú vilt ná betri tökum á?
• Hvaða persónulegu þætti viltu efla?
• Hvað þarf til að virkja eldmóðinn þinn til að þú getir notið þín sem best?
• Hverju viltu helst breyta?
• Hver gætu jákvæðu áhrifin orðið?

Ath!
Skólastjórnendur hafa margir hverjir tök á því að aðstoða kennara til að styrkja sig í starfi og einstaklingsstyrkir fagfélaganna geta hér einnig nýst þér vel.