Að læra að læra – fyrir nemendur í 10. bekk

Umsögn nemanda
Ásta, var beðin um að skrifa niður dæmi um það sem hún lærði á námskeiðinu.
Ásta skrifaði: Námsaðferðir – Hugarfar – Skipulagningu – Hvernig á að brjóta upp námið – Hvernig á að gera námið þægilegra – Hjá hverjum ég á að fá hjálp – Hvaða blöð, penna og skóladót er best að nota – Nota litapenna – Hvernig ég á að vinna með kvíða – Hvernig ég á að púsla deginum – Hvernig maður á að rifja upp – Taka kvíða í burtu.

……………………………………..

„Að læra að læra“ er 5 vikna einkanámskeið fyrir nemendur í 10. bekk

Það geta verið margar ástæður fyrir því að eitthvað gangi erfiðlega í náminu í skólanum. Ef það gerist þá getur verið hjálplegt að fá smá aðstoð við að skoða með þér hvað það er sem þér þykir erfiðast og hvernig hægt er að gera það auðveldara.

Námsstuðningurinn byggir á aðferðafræði markþjálfunar, Hugrænnar atferlismeðferðar, námstækni o.fl.
• Þegar þú vilt ná betri tökum á náminu þá er gott að byrja á því að skipuleggja sig vel.
• Þegar þú mætir í fyrsta tímann í námsstuðninginn kemur þú því með allar námsbækurnar sem þú átt að vinna í næstu vikurnar, ásamt kennsluáætlunum og yfirliti yfir skiladaga stærri verkefna.
• Þú sem býrð úti á landi sýnir mér námsgögnin í fyrsta netfundinum og það væri fínt að þú værir búin/n að taka mynd af kennsluáætluninni og senda mér.

Við skoðum hvað það er sem þér þykir erfiðast og hvernig við getum gert þau atriði auðveldari viðfangs.

Á námskeiðinu vinnum við m.a. með;
• markmiðavinnu – forgangsröðun verkefna – tímaskipulag – einbeitingu – minnisaðferðir – greiningu aðalatriða – frágang verkefna – verkefnaskil og undirbúning fyrir próf.
• Þú eflir sjálfstraust þitt gagnvart náminu, færð skýrari sýn á markmiðin þín og framtíðarsýn.
• Frammistöðukvíði dvínar og þá líka prófkvíðinn þegar þú nærð betri tökum á náminu og allur námsundirbúningur kemst í gott horf.
• Velgengni í námi laðar fram vellíðan og námsgleði.

Einkanámskeið. 1 tími í viku, 60 mín. Kennslan er ýmist staðbundið í Rvk eða á netinu.
Kennsludagar og kennslutími eru samkomulagsatriði.
Öll vinnan miðar við námsefnið þitt sem þú þarft að ná góðum tökum á.